Mierkiel vystupiła za pramyja pieramovy Kijeva ź sieparatystami ŭ farmacie videakanfierencyi
Kancler Hiermanii Anhieła Mierkiel ličyć, što ŭkrainskaja ŭłada pavinna jak maha chutčej prystupić da pieramovaŭ z terarystami, jakija dziejničajuć na ŭschodzie Ukrainy.
Pra heta paviedamiła pres-słužba ŭrada Hiermanii pa vynikach sustrečy Mierkiel z rasijskim prezidentam Uładzimiram Pucinym u brazilskim Rya-de-Žaniejra.
«Abodva syšlisia ŭ mierkavańni, što jak maha chutčej pavinny być praviedzienyja pramyja pieramovy pamiž ukrainskim uradam i sieparatystami ŭ farmacie videakanfierencyi», — skazana ŭ paviedamleńni.
U niamieckim uradzie ŭdakładnili, što metaj takich pieramovaŭ pavinna stać dvuchbakovaje spynieńnie ahniu.
Važnaj umovaj dla hetaha, padkreślivajecca ŭ paviedamleńni, pavinien stać dziejsny kantrol nad ŭkraina-rasijskaj miažoj i ŭzajemny abmien pałonnymi.
«Dla hetaha Rasija pavinna prymianić svaje mahčymaści ŭpłyvu», — udakładniaje pres-słužba niamieckaha ŭrada.