Parašenka daŭ terarystam čas da piatnicy i rychtuje «važnaje rašeńnie»
Prezident Ukrainy Piatro Parašenka abiacaje 27 červienia «pryniać vielmi važnaje rašeńnie», kali terarysty nie prymuć umoŭ jaho mirnaha płana.
Ab hetym jon skazaŭ, adkazvajučy na pytańni deputataŭ PASIE.
Parašenka paviedamiŭ, što ŭ sieradu znoŭ źbirałasia trochbakovaja kantaktnaja hrupa ŭ składzie pradstaŭnikoŭ Ukrainy, RF i ABSIE.
U piatnicu hrupa źbiarecca znoŭ.
Pradstaŭnikoŭ terarystaŭ na apošniaj sustrečy nie było, «ale heta i nie treba».
«Paŭhadziny tamu jany vykazali žadańnie pryniać udzieł u sustrečy ŭ piatnicu. Heta vielmi važny dzień: kali našy ŭmovy pa mirnych płanach nie buduć pryniatyja, to my prymiem vielmi važnaje rašeńnie».
Jon u čarhovy raz zaklikaŭ Jeŭropu kansalidavacca vakoł ukrainskich prablem i adznačyŭ, što «pakul padtrymki niedastatkova».
«Heta moža adbycca z kožnaj krainaj, kali Jeŭropa nie abjadnajecca vakoł hetaha pytańnia», — skazaŭ Parašenka.
Jon nahadaŭ, što Ukraina niasie straty ŭžo paśla abviaščeńnia spynieńnia ahniu.
Akramia taho, «pad ahniom sieparatystaŭ» sprabujuć adnavić sistemy žyćciezabieśpiačeńnia Słavianska, Kramatorska i inšych haradoŭ, dzie ludzi bolš za 10 sutak znachodziacca biez vady i elektryčnaści.
«Ukraina demanstruje nie tolki słovam, a spravaj svajo imknieńnie da miru. I my ŭžo zapłacili vielmi vysokuju canu za heta imknieńnie», — skazaŭ Parašenka.