Caroŭ, jaki znachodzicca ŭ vyšuku, uznačaliŭ «sajuz» ŁNR i DNR
25 červienia ŭ Łuhansku byŭ stvorany tak zvany Sajuz narodnych respublik (SNR), u skład jakoha ŭvajšli samaabvieščanyja Łuhanskaja i Danieckaja narodnyja respubliki. Časovuju radu sajuza ŭznačaliŭ abvieščany były narodny deputat Aleh Caroŭ.
Caroŭ na fota sprava.
Pra heta paviedamiŭ Caroŭ, abvieščany ŭ vyšuk Hienprakuraturaj Ukrainy, na pres-kanfierencyi ŭ Łuhansku.
Pa słovach narodnaha deputata, jon i jašče 5 kiraŭnikoŭ «ŁNR» i «DNR» stvaryli Sajuz narodnych respublik i ŭvajšli ŭ časovuju radu dadzienaha orhana.
«Rada Sajuza narodnych respublik (Bołataŭ, Karakin, Caroŭ, Hubaraŭ, Pušylin i Baradaj) raspracavała prajekt Kanstytucyi. Tut 20 artykułaŭ. Nieabchodna stvaryć Parłamient Sajuza narodnych respublik. Jon farmirujecca tak: tracina pradstaŭnikoŭ abiedźviuch respublik, astatnija z deputataŭ miascovych savietaŭ, pracoŭnych kalektyvaŭ pradpryjemstvaŭ, ustanoŭ i inšych arhanizacyj. Parłamient składajecca z 60 deputataŭ: 30 deputataŭ — ad Danieckaha parłamienta i 30 — ad łuhanskaha», - adznačyŭ Caroŭ.
Jon dadaŭ, što Sajuz budzie pašyracca.