2/3 rasijanaŭ žadajuć pakinuć Pucina na čarhovy prezidencki termin
Bolš za 60% rasijanaŭ chočuć, kab Uładzimir Pucin zastaŭsia prezidentam paśla 2018 hoda. Pra heta śviedčać vyniki apytańnia, praviedzienaha fondam «Obŝiestviennoje mnienije».
Reuters.com
Dźvie traciny apytanych (66%) paviedamili, što dziejnaść Pucina ŭ jakaści kiraŭnika dziaržavy całkam adpaviadaje intaresam takich ludziej, jak jany. U vieraśni 2012 hoda hetaha punktu hledžańnia prytrymlivalisia 36% apytanych.
Akramia taho, 55% respandentaŭ adznačyli, što, na ich dumku, zaraz Uładzimir Pucin spraŭlajecca z abaviazkami kiraŭnika prezidenta lepš, čym na praciahu svaich pieršych dvuch prezidenckich terminaŭ. Pry hetym pałova apytanych ličać, što ŭ bližejšy čas kankurenta ŭ Pucina nie źjavicca.