Hraficistaŭ, jakija malavali Bykava ŭ centry Minska, zabrali ŭ milicyju FOTA
dapoŭniena
Čatyroch hraficistaŭ, jakija ŭ dvary na płoščy Pieramohi pačali malavać partret Bykava na transfarmatarnaj budcy, pasadzili ŭ aŭtazak. Pra heta paviedamiŭ vidavočca.
Pavodle jahonych słovaŭ, dva milicyjanty pryjechali na miesca naniasieńnia hrafici pryblizna hadzinu tamu. Paźniej padjechali jašče milicejskija mašyny. Niejki čas hraficisty sprabavali niešta vyśvietlić ź milicyjaj na miescy, a potym usich pahruzili ŭ aŭtazak.
Adzin z pradstaŭnikoŭ supolnaści Signal paviedamiŭ, što troch mastakoŭ zavieźli ŭ Partyzanski RUUS. Na dadzieny momant jany čakajuć dazvołu ad harvykankama na praciah pracaŭ. Što budzie z chłopcami, kali harvykankam dazvołu nie daść, pakul nieviadoma.
U 14:30 Aleh Łaryčaŭ, pradstaŭnik supołki Signal, paviedamiŭ, što ŭ RUUS Partyzanskaha rajona napisaŭ tłumačalnuju zapisku i byŭ adpuščany. Pavodle jaho infarmacyi, na čatyroch hraficistaŭ adkryvajuć administracyjnuju spravu za naniasieńnie škody haradskoj majomaści. U RUUS jamu abiacali, što ŭviečary hraficistaŭ adpuściać dadomu.
U samim Partyzanskim RUUS Minska davać infarmacyju admovilisia, spasłaŭšysia na adsutnaść na miescy pres-aficera.
Unačy vuličnyja mastaki z stryt-art-supolnaści Signal zrabili nakidy budučaj pracy i apublikavali pieršyja fatazdymki.
Nahadajem, što 19 červienia — 90 hadoŭ z dnia naradžeńnia Bykava.
{POLL#267}