Bank raźvićcia Biełarusi prafinansavaŭ zakupku 72 školnych aŭtobusaŭ
Nahladalny saviet Banka raźvićcia Biełarusi ŭzhadniŭ akazańnie sponsarskaj dapamohi na zakupku 72 aŭtobusaŭ pa sacyjalnaj prahramie «Školny aŭtobus», paviedamili ŭ pres-centry banka.
Budzie zakuplena pa 12 aŭtobusaŭ na kožnuju vobłaść, ahulnaja suma sponsarskaj dapamohi składzie amal 45 młrd rubloŭ.
«Upieršyniu ŭ hetym hodzie buduć nabytyja try aŭtobusy dla pieravozki dziaciej z asablivaściami psichafizičnaha raźvićcia. Hetyja aŭtobusy buduć pieradadzienyja dla ekspłuatacyi ŭ centry karekcyjna-raźvivajučaha navučańnia i reabilitacyi Viciebskaj, Homielskaj i Mahiloŭskaj abłaściej», — adznačyli ŭ pres-centry.
Prahrama «Školny aŭtobus», jakaja realizujecca Bankam raźvićcia pa daručeńni Łukašenki, praduhledžvaje nabyćcio na praciahu 2013-2017 hadoŭ za košt srodkaŭ banka nie mienš jak 300 adzinak śpiecyjalna abstalavanych školnych aŭtobusaŭ. U 2013 hodzie Bank raźvićcia zakupiŭ 60 aŭtobusaŭ i pieradaŭ pa 10 adzinak u kožnuju vobłaść, nakiravaŭšy na hetyja mety amal 39 młrd rubloŭ.