Ukraina: 100% padraździaleńniaŭ milicyi voźmuć udzieł u ATA
Usie biez vyklučeńnia padraździaleńni MUS buduć brać udzieł u śpiecapieracyi ŭkrainskich siłavikoŭ suprać prarasijskich sieparatystaŭ na paŭdniovym uschodzie krainy, paviedamiŭ ministr unutranych spraŭ Ukrainy Arsien Avakaŭ.
Premjer-ministr Arsienij Jacaniuk i ministr Arsien Avakaŭ uznaharodžvajuć udzielnikaŭ ATA, tsn.ua
«Pryniaŭ rašeńnie — usie 100% bajavych i patrulnych padraździaleńniaŭ MUS prymuć udzieł u Antyterarystyčnaj apieracyi. Heta nie tolki nieabchodnaść, heta jašče i pravierka na prafprydatnaść i sapraŭdny duch i patryjatyzm. Zahartoŭka padraździaleńniaŭ va ŭmovach realnych pahroz i vyklikaŭ — adzin z faktaraŭ stvareńnia novaj milicyi, jakoj hramadstva stanie daviarać», — napisaŭ Avakaŭ na svajoj staroncy ŭ Facebook.
Raniej ministr paviedamlaŭ pra zvalnieńnie milicyjantaŭ, jakija admaŭlalisia jechać na ŭschod krainy, kab udzielničać u apieracyi.