Siarod zabitych bajevikoŭ u aeraporcie Daniecka apaznali čempijona śvietu pa kikboksinhu
Siarod bajevikoŭ samaabvieščanaj Danieckaj narodnaj respubliki, jakija zahinuli 26 maja ŭ chodzie ATA ŭ Daniecku, apaznany čempijon śvietu pa kikboksinhu Mikałaj Laonaŭ.
Pra heta paviedamlaje RIA Naviny.
U 2005 hodzie Laonaŭ staŭ pieramožcam Kubka śvietu pa poŭnakantaktnym karate u Adesie, a ŭ 2007-m zavajavaŭ čempijonskija tytuły pa kikboksinhu pa viersijach IAKSA i WTKA.
Pracavaŭ trenieram, uvachodiŭ ŭ kazactva i zapisvaŭ «pravasłaŭny rep».
U piatnicu, 30 maja, cieła Laonava apaznali, jaho vyvieźli na radzimu, u Dnieprapiatroŭsk.
Paviedamlajecca, što siarod paranienych u vyniku praviadzieńnia ATA ŭ Daniecku ŭ špitalach znachodziacca vosiem hramadzian Rasii, u tym liku žychary Hroznaha i Maskvy.
Haradski hałava Daniecka Alaksandr Łukjančanka paviedamiŭ, što, pavodle aficyjnych dadzienych, u chodzie ATA zahinuli 40 čałaviek.