Barykadu kala stadyjona «Dynama» ŭ Kijevie ŭdałosia razabrać z druhoj sproby FOTA
U Kijevie rabotniki kamunalnych słužbaŭ razabrali barykadu kala stadyjona «Dynama» imia Łabanoŭskaha, paviedamlaje TSN.ua.
Pryčym, barykadu ŭdałosia razabrać tolki z druhoj sproby.
«Kamunalnyja rabotniki ŭzhadnili pracy z kiraŭnikami aktyvistaŭ, jakija zastalisia na Majdanie, i prystupili da rabot u subotu ranicaj. Adnak z Majdana pryjšli inšyja aktyvisty ź inšymi kiraŭnikami, jakija byli suprać razboru barykady. Jany prymusili kamunalnikaŭ vyhruzić bruk i źjechać ź miesca padziej», — paviedamlaje TSN.
Praź niekalki hadzin rabotniki kamunalnych słužbaŭ znoŭ prystupili da pracy, ciapier kala stadyjona čysta.
Akramia taho, u subotu ranicaj kala barykady niepadalok ad kijeŭskaj meryi aktyvisty, jakija nie źbirajucca sychodzić z Majdana, palili šyny ŭ znak pratestu suprać namieraŭ ułady prybrać namiotavy haradok.