Šturm budynka Nachvardyi pad Łuhanskam zavieršyŭsia vybucham na składzie zbroi
Padčas šturmu častki Nachvardyi ŭ Alaksandraŭsku Łuhanskaj vobłaści adbyŭsia vybuch na składzie sa zbrojaj.
Pra heta paviedamiła pres-sakratar abłasnoha ŭpraŭleńnia MUS u Łuhanskaj vobłaści Taćciana Pahukaj: «U Alaksandraŭcy, dzie dysłakujecca častka padraździaleńnia vajskovaj častki (tam tyja, chto niasie kantraktnuju i terminovuju słužbu) kala 30-40 chvilin išoŭ boj pamiž vajskoŭcami vajskovaj častki i ŭzbrojenymi bajevikami padčas boju ŭ vyniku pramoha traplańnia ŭ skład sa zbrojaj zdetanavali bojeprypasy i adbyŭsia vybuch».
Jana adznačyła, što infarmacyi ab mahčymych zahinułych abo paciarpiełych pakul niama.