Jacaniuk: Kali RF «vyjdzie z hulni», situacyja na ŭschodzie Ukrainy vyrašycca praz tydzień-dva
Premjer-ministr Ukrainy Arsienij Jacaniuk pierakanany, što kali Rasija spynić padtrymku i finansavańnie terarystaŭ, situacyja na ŭschodzie Ukrainy vyrašycca praz tydzień-dva.
Jak paviedamili UNIAN u Departamiencie infarmacyi i kamunikacyj z hramadskaściu Sakrataryjata Kabmina, pra heta jon skazaŭ učora na Samicie pa enierhietyčnaj biaśpiecy ŭ Bierlinie.
Pa słovach Jacaniuka, «kali Rasija vyjdzie z hulni, my vyrašym situacyju na ŭschodzie Ukrainy praz tydzień ci dva. Ale kali Rasija padtrymlivaje i finansuje terarystaŭ, daje im dostup na ŭkrainskuju terytoryju, — heta stvaraje vialikija ciažkaści».
Jon padkreśliŭ, što Ukraina znachodzicca ŭ vielmi składanaj situacyi.
Pa słovach Jacaniuka, niama adzinaha instrumienta vyrašeńnia prablemy, a «jość šerah šlachoŭ, i klučavy šlach dla nas — mieć mirnyja pieramovy z usim, chto choča miru i abjadnanuju krainu».