Damova nakont hazu
Uładzimir Siamaška i Alaksiej Miler paćvierdzili abaviazacielstvy Biełarusi i «Hazpromu» pa kantrakcie na pastaŭku i tranzyt hazu ŭ 2007—2011 hadach.
Pieršy namieśnik premjer‑ministra Biełarusi Uładzimir Siamaška i staršynia praŭleńnia AAT «Hazprom» Alaksiej Miler na sustrečy ŭ Maskvie 8 listapada paćvierdzili abaviazacielstvy pa kantrakcie na pastaŭku i tranzit hazu ŭ 2007—2011 hadach, zaklučanym 31 śniežnia 2006 hoda. Pra heta havorycca ŭ paviedamleńni dla ŚMI, raźmieščanym na aficyjnym sajcie rasijskaj kampanii.
Baki taksama abmierkavali prapanovy Biełarusi pa ŭdziele «Hazproma» ŭ inviestycyjnych prajektach na terytoryi respubliki ŭ halinie elektraenierhietyki i vytvorčaści minieralnych uhnajeńniaŭ.
U paviedamleńni nahadvajecca, što 31 śniežnia 2006 hoda AAT «Hazprom» i AAT «Biełtranshaz» padpisali kantrakt na pastaŭku i tranzit hazu ŭ 2007—2011 hadach. Dakumientam była vyznačana cana rasijskaha hazu pry pastaŭkach u 2007 hodzie — 100 dołaraŭ za 1 tys. kub. m i formuła cany z 1 studzienia 2008 hoda (jana adpaviadaje formule cany pry pastaŭkach rasijskaha hazu ŭ Jeŭropu).
Dakumientam taksama była ŭzhodniena taryfnaja staŭka pry pastaŭkach hazu pa sietkach «Biełtranshazu» (1,45 dołara) i płata za pasłuhi pa kiravańni hazapravodam «Jamał — Jeŭropa» (raźličvajecca pa formule).