Jaraš: Danbas užo čakaje, kab pryjšoŭ «Pravy siektar» i navioŭ paradak
Lidar partyi «Pravy siektar» Dźmitryj Jaraš zajaviŭ, što pradstaŭniki jaho arhanizacyi biaruć udzieł u dziejnaści bataljonaŭ terytaryjalnaj abarony va ŭschodnich rehijonach Ukrainy.
Pra heta jon skazaŭ na bryfinhu ŭ čaćvier, pieradaje «Interfaks-Ukraina».
«Našy bajcy, jakija zaraz jość u składzie bataljonaŭ terytaryjalnaj abarony mienavita ŭ Danieckaj, Charkaŭskaj, Dnieprapiatroŭskaj abłaściach, nie majuć praktyčna nijakich prablem, źviazanych z tym, što ich niechta tam nienavidzić, drenna da ich ctavicca», — skazaŭ Jaraš.
Pavodle jaho słoŭ, u apošni čas možna adznačyć tendencyju peŭnaha «psichałahičnaha pierałomu» ŭ Danbasie.
«I tyja ludzi, jakija niadaŭna z peŭnaj simpatyjaj stavilisia da terarystaŭ i sieparatystaŭ, ciapier užo takich simpatyj nie vykazvajuć. My pastajanna atrymlivajem infarmacyju ab tym, što na Danbasie ŭžo kažuć: «Kali ž pryjdzie «Pravy siektar» i narešcie naviadzie paradak u Danieckaj vobłaści?» — adznačyŭ jon.
Razam Jaraš abvierh infarmacyju pra toje, što «Pravy siektar» razharnuŭ partyzanski ruch va ŭschodnich rehijonach.
«Pravy siektar» nie raspačynaŭ partyzanski ruch. My kažam pra toje, što, naprykład, u tym ža Krymie, dzie situacyja vielmi składanaja, jak varyjant viartańnia Kryma ŭ skład Ukrainy moža być razhornuty partyzanski ruch», — skazaŭ jon.
Lidar «Pravaha siektara» taksama paviedamiŭ, što sietka arhanizacyj, jakaja isnuje va ŭschodnich rehijonach, naprykład, pieradaje raźviedvalnuju infarmacyju ŭkrainskim siłavym strukturam.
Jaraš taksama prainfarmavaŭ, što pieryjadyčna sam vyjazdžaje tajemna va ŭschodnija rehijony.
«Vyjezdy ŭ Danieckuju vobłaść ja rablu i časta sustrakajusia z roznymi ludźmi», — skazaŭ jon.