Biełarusy zmohuć jeździć u Krym pa śpiecdazvołach
Ujechać na akupavany Rasijaj paŭvostraŭ z macierykovaj častki Ukrainy ciapier budzie nie tak prosta.
Uvajšoŭ u dziejańnie zakon «Ab zabieśpiačeńni pravoŭ i svabod hramadzian i pravavoha režymu na časova akupavanaj terytoryi Ukrainy», i ŭžo ŭjezd zamiežnikaŭ u Krym dapuskajecca tolki sa śpiecyjalnym dazvołam praz kantrolnyja punkty ŭjezdu-vyjezdu, piša «Komsomolskaja pravda v Biełarusi».
Uličvajučy toje, što aŭtobusy i ciahniki ź Biełarusi ŭ Krym iduć praz terytoryju macierykovaj Ukrainy, u biełaruskich turystaŭ uźniknuć prablemy. A jechać u Krym praz Rasiju ź Biełarusi doŭha dy doraha.
Kali prabiracca da mora nielehalna, to za parušeńnie praviłaŭ ŭjezdu na terytoryju Kryma i vyjezdu ź jaje možna atrymać štraf abo aryšt da 15 dzion.
Atrymać infarmacyju ŭ Kabiniecie ministraŭ Ukrainy ab terminach raspracoŭki i ŭvodu ŭ dziejańnie śpiecyjalnych propuskaŭ sprabavaŭ BiełaPAN, ale pakul heta zrabić nie ŭdałosia.