Polskich muzykantaŭ zatrymali ŭ rasijskim Jekaciarynburhu i departujuć na radzimu
Polski mietał-hurt Behemoth, muzykanty jakoha ŭ sieradu ŭviečary byli zatrymanyja ŭ Jekaciarynburhu za parušeńnie mihracyjnaha zakanadaŭstva, aštrafavany na 2 tys. rasijskich rubloŭ (560 tys. biełaruskich) i pavinien pakinuć Rasiju. Takoje rašeńnie pryniaŭ Kastryčnicki rajonny sud Jekaciarynburha.
«Polskija muzyki na praciahu 60 dzion pavinny apłacić administracyjny štraf, taksama ŭ razumnyja terminy jany pavinny ździejśnić kantralavany vyjezd z terytoryi Rasijskaj Fiederacyi», — abviaściła sudovuju pastanovu sudździa Kaciaryna Hryn.
Jak zajaviła Hryn, zakanadaŭstvam nie ŭstanoŭleny terminy «razumnaha vyjezdu za miežy Rasii».
Lidar polskaha hurtu Adam Nerhał Darski paviedamiŭ, što jon admianiŭ zapłanavany na 25 maja kancert u Maskvie.
«My spadziajemsia, što jašče pryjedziem z hastrolami ŭ Rasiju», - dadaŭ jon.