Hruzija padpiša Pahadnieńnie ab Asacyjacyi ź ES 27 červienia niahledziačy na cisk Rasii
U Hruzii nazvali datu padpisańnia pahadnieńnia ab asacyjacyi ź Jeŭrasajuzam. Jak zajaviŭ kiraŭnik urada respubliki Iraklij Harybašvili na sustrečy sa staršynioj Jeŭrapiejskaj rady Chiermanam van Rompiejem, damova budzie zaćvierdžana 27 červienia razam z Małdovaj.
Premjer-ministr adznačyŭ, što damova vielmi važnaja dla Hruzii.
«Jana pieraviadzie našu krainu na novuju prystupku adnosin ź ES i zrobić ustupleńnie Hruzii ŭ ES niezvarotnym», — dadaŭ jon.
Staršynia ES Chierman Van Rompiej padkreśliŭ, što padpisańniu pahadnieńnia pieraškadžaje Rasija.
«Viadoma, my bačym, što Rasija ažyćciaŭlaje cisk na Hruziju dla taho, kab padpisańnie pahadnieńnia ab asacyjacyi ź ES nie adbyłosia. Ale ES ćviorda staić na svajoj pazicyi», — skazaŭ Rompiej.
Staršynia ES taksama padkreśliŭ, što parušanaja terytaryjalnaja cełasnaść nie pieraškodzić Jeŭrasajuzu praciahvać palityku asacyjavańnia z Hruzijaj.