Milicyjanty vyśviatlali asobu Viačorki
Vincuk Viačorka byŭ zatrymany, kali kiravaŭsia na haradzienski abłasny schod siabroŭ Partyi BNF.
Vincuk Viačorka |
Aŭtamabil, u jakim znachodziŭsia staršynia Partyi BNF Vincuk Viačorka, byŭ zatrymany 4 listapada supracoŭnikami milicyi. V.Viačorka nakiroŭvaŭsia ŭ Hrodna na schod miascovaj abłasnoj arhanizacyi Partyi BNF. Mašyna była adkanvajavanaja ŭ hrodzienski haradski adździeł DAI. Paśla pracedury vyśviatleńnia asoby palityka adpuścili.
V.Viačorka nazvaŭ svajo zatrymańnie biespadstaŭnym i źviazvaje jaho z zapłanavanym partyjnym schodam.
«Sarvać schod im nie ŭdałosia. Ja vybraŭsia z mašyny i trapiŭ na sustreču, — paviedamiŭ V.Viačorka. — My praviali spravazdačny schod, padčas jakoha byli vyłučanyja delehaty na źjezd Partyi BNF. Schod uchvaliŭ spravazdačy i vysoka acaniŭ dziejnaść kiraŭnikoŭ struktury Vadzima Sarančukova i Siarhieja Antusieviča».
Pavodle słoŭ V.Viačorki, mierapryjemstva prachodziła pad nahladam milicyi.