Rasijskich błohieraŭ abaviazali vykonvać patrabavańni, što pradjaŭlajucca da ŚMI
Prezident RF Uładzimir Pucin abaviazaŭ błohieraŭ, internet-staronki jakich štodnia naviedvajuć bolš za 3 tysiačy karystalnikaŭ, vykonvać patrabavańni, što pradjaŭlajucca da ŚMI.
Adpaviedny dakumient raźmieščany na aficyjnym partale pravavoj infarmacyi ŭ paniadziełak.
Dakumient taksama abaviazvaje arhanizataraŭ raspaŭsiudu infarmacyi ŭ siecivie — pošukavyja sistemy, sacyjalnyja sietki i forumy — apaviaščać profilny rehulatar (Roskamnadzor) pra pačatak svajoj dziejnaści i zachoŭvać dadzienyja na praciahu šaści miesiacaŭ, za nievykanańnie hetych patrabavańniaŭ praduhledžanyja štrafy da 500 tysiač rubloŭ (14 tysiač dalaraŭ).
Jak u Rasiei pieraśledavali za publikacyi ŭ internecie
Omski błohier Snaf (Anton Iljuščanka) u krasaviku 2013 hoda apublikavaŭ u svaim błohu ŭ ŽŽ padborku fotazdymkaŭ z kłuba, dzie maładyja ludzi, całkam abo častkova aholenyja, udzielničajuć u konkursach. Zapis nabrała bolš za 500 tysiač prahladaŭ i vyvieła błohiera ŭ top «Žyvoha časopisa». Palicyja pačała pravierku pa fakcie paviedamleńniaŭ u ŚMI pra toje, što ŭ adnym z kaviarniaŭ Omska adbyvajucca raspusnyja dziejańni. Udałosia vyśvietlić, što na fota zafiksavanaja viečaryna, jakaja prachodziła jašče ŭ 2011 hodzie. 23 lipienia 2013 stała viadoma, što pa fakcie publikacyi parnahrafičnych materyjałaŭ uzbudžanaja kryminalnaja sprava.