Turčynaŭ: Ukrainskaja ŭłada nie kantraluje situacyju ŭ Daniecku, antyterarystyčnaja apieracyja była nieefiektyŭnaj
U suviazi z pahrozaj napadu Rasii, uzbrojenyja siły Ukrainy pryviedzienyja ŭ poŭnuju bajavuju hatoŭnaść. Pra heta zajaviŭ v.a. prezidenta Ukrainy Alaksandr Turčynaŭ na naradzie z kiraŭnikami abłdziaržadministracyj u Kijevie 30 krasavika.
Reuters.com
Pavodle słovaŭ Turčynava, siońnia isnuje realnaja niebiaśpieka raźviazvańnia Rasijaj kantynientalnaj vajny suprać Ukrainy.
«Našy ŭzbrojenyja siły pryviedzienyja ŭ poŭnuju bajavuju hatoŭnaść», — zajaviŭ Turčynaŭ.
Turčynaŭ skazaŭ: «Siońnia ŭ Daniecku ŭłady nie kantralujuć situacyju, roŭna jak i na častcy terytoryi Danieckaj vobłaści».
Jon nazvaŭ asabliva niebiaśpiečnaj situacyju, jakaja skłałasia ŭ Danieckaj i Łuhanskaj abłaściach.
Taksama Turčynaŭ dadaŭ, što Antyterarystyčnaja apieracyja akazałasia nieefiektyŭnaj, zaznačyŭšy, što jaje praviadzieńnie niemahčyma z-za vialikaha skapleńnia ludziej.
«Nastupnaja prablema — heta dosyć vialikaja kolkaść cyvilnaha nasielnictva, ašukanaha rasijskaj prapahandaj, i jakija padtrymlivajuć terarystaŭ i spryjajuć zachopu administracyjnych budynkaŭ i destabilizacyi situacyi ŭ rehijonach. My viedajem z vami pa dośviedu Majdanu, što pry najaŭnaści dosyć vialikaj kolkaści ludziej siłavyja mierapryjemstvy nieefiektyŭnyja. Z takoj situacyjaj sutyknulisia našy siłavyja struktury», — skazaŭ Turčynaŭ.
Razam z tym jon zajaviŭ, što siłaviki nie vykanali zadaču pa łakalizacyi terarystaŭ i ich źniščeńni.