Lidara krymskich tataraŭ Džamilova vyłučyli na Nobieleŭskuju premiju
Šerah hramadskich arhanizacyj rasijskaj respubliki Tatarstan vyłučyli lidara krymskich tataraŭ Mustafu Džamilova na atrymańnie Nobieleŭskaj premii miru.
Jak pieradaje ŭkrainskaja słužba Bi -Bi -Si, siarod hetych arhanizacyj - Rada starejšyn, Tatarski hramadski centr i Miedžlis tatarskaha naroda.
«Niesumnienna, Mustafa Džamiloŭ - adzin z najbolš hodnych pretendentaŭ na hetuju prestyžnuju premiju», - havorycca ŭ sumiesnaj zajavie tatarskich arhanizacyj.
Jany padkreślili, što dziakujučy Džamilovu «krymskija tatary stali nieadjemnaj častkaj ukrainskaha hramadstva» i «prymajuć aktyŭny ŭdzieł u dziaržaŭna - palityčnym budaŭnictvie sučasnaj Ukrainy».
Džamiloŭ z 1960-ch hadoŭ vioŭ u Savieckim Sajuzie dysydenckuju i pravaabarončuju dziejnaść.
Jon 15 hadoŭ adsiedzieŭ u savieckich łahierach, zmahajučysia za prava svajho naroda viarnucca na radzimu ź miescaŭ stalinskaj departacyi.
Raniej Džamilova dvojčy vyłučali na atrymańnie premii, u 2009 i 2011 hadach.
22 krasavika ranicaj Džamilovu pry vyjeździe z Kryma nieviadomyja ludzi začytali i ŭručyli akt ab zabaronie na ŭjezd na terytoryju Rasii da 2019 hoda.