Pjany mužčyna pahražaŭ «uzarvać» Stary horad u Barysavie
Supracoŭniki milicyi zatrymali mužčynu, jaki pa telefonie zajaviŭ pra namier ŭzarvać Stary horad u Barysavie, paviedamlaje ŭpraŭleńnie ŭnutranych spraŭ Minabłvykankama.
«U Barysaŭski RUUS z mabilnika patelefanavaŭ mužčyna i skazaŭ, što źbirajecca padarvać Stary horad u Barysavie. Supracoŭniki kryminalnaha vyšuku haradździeła vyśvietlili, što telefanavaŭ miascovy 32-hadovy žychar, raniej sudzimy za kradziažy», — raspaviali ŭ UUS.
«Telefonnaha terarysta» zatrymali. «Mužčyna rastłumačyŭ, što znachodziŭsia ŭ stanie ałkaholnaha apjanieńnia i ŭciamna nie moža rastłumačyć pryčyny svajho ŭčynku», — adznačyli va ŭpraŭleńni.
Padazravany źmieščany ŭ izalatar časovaha ŭtrymańnia, jamu pahražaje da 5 hadoŭ pazbaŭleńnia voli.