Asudžany na 12 sutak aryštu Maksim Viniarski abviaściŭ suchuju haładoŭku
Sud Frunzienskaha rajona Mienska vynies rašeńnie Maksimu Viniarskamu — 12 sutak aryštu. Spravu razhladała sudździa Ludmiła Łapo.
Aktyvistu, u jakoha vostraja anhina, u sudzie stała drenna. Miedyki «chutkaj dapamohi», jakija pryjechali na vyklik, skazali, što jamu nieabchodna haśpitalizacyja, adnak milicyjanty zapracivilisia - jon pajedzie na Akreścina. U adkaz na heta Maksim u sudzie abviaściŭ suchuju haładoŭku.
***
Siońnia Maksima Viniarskaha, jaki vychodziŭ z handlovaha centra «Karona», zatrymali supracoŭniki milicyi, paviedamiŭšy, što jon padobny na złačyncu.
U adzialeńni milicyi jaho źvinavacili ŭ niepadparadkavańni supracoŭnikam milicyi i skłali pratakoł za pravaparušeńnie.
Kaardynatar «Jeŭrapiejskaj Biełarusi» Maksim Viniarski, jaki niadaŭna vyzvaliŭsia paśla 15-sutkavaha aryštu z Centru izalacyi pravaparušalnikaŭ, paviedamiŭ, što pierad vyzvaleńniem ź CIPa supracoŭnik milicyi prapanavaŭ jamu časova źjechać sa stalicy.
Maŭlaŭ, kali vy razumnyja ludzi, dyk pavinny zrazumieć, što ŭ vas jość dva varyjanty: albo źjechać z krainy, albo vyjechać u viosku na peŭny čas (majecca na ŭvazie čas praviadzieńnia čempijanatu śvietu pa chakieju).
Bo «pytańnie z vami ŭsimi» budzie abaviazkova vyrašana, papiaredziŭ supracoŭnik CIPa.
U adkaz na hetaje papiaredžańnie Viniarski zajaviŭ pravaabaroncam, što jon nie ŭžyvaje narkotykaŭ, nie łajecca matam, nie schilny da chulihanskich učynkaŭ, i tamu mahčymy aryšt prosić rasceńvać jak previentyŭnuju izalacyju z-za svaich hramadska-palityčnych pierakanańniaŭ.