Paŭnočnakarejskaje telebačańnie pakazała Kim Čen Yna ŭ dziacinstvie FOTA
Telebačańnie Paŭnočnaj Karei ŭpieršyniu pakazała raniej nie publikavanyja fatahrafii Kim Čen Yna ŭ dziacinstvie. Zdymki byli prademanstravanyja pa TB padčas kancerta ŭ honar VPS krainy.
Na kartkach juny Kim pakazany ŭ vajennaj formie, a taksama za šturvałam samalota. Kolki mienavita było hadoŭ synu Kim Čen Ira na hetych zdymkach, nieviadoma. Taksama nie paviedamlajecca, dzie mienavita byli zroblenyja zdymki i chto pieradaŭ ich arhanizataram mierapryjemstva dla pradstaŭnikoŭ VPS.
Pa dadzienych vyviedki, Kim Čen Yn atrymlivaŭ pačatkovuju adukacyju ŭ Šviejcaryi, dzie jaho asoba nie raskryvałasia. U dakumientach jon fihuravaŭ pad imiem Pak Yn i, pa słovach svaich adnakłaśnikaŭ, byŭ zachopleny baskietbołam i zusim nie cikaviŭsia palitykaj. Paźniej syn Kim Čen Ira navučaŭsia ŭ Univiersitecie imia Kim Ir Siena pa asobnaj prahramie.