Antykamunistyčny forum pačniecca ab 11-j
Forum «U budučyniu — biez kamunizmu» adbudziecca 3 listapada. Miescam praviadzieńnia Foruma budzie Uprava BNF (pr‑t Mašerava,8 /byłaja vuł. Varvašeni, 8). Pačatak mierapryjemstva ab 11.00.
Paśla admovy kiraŭnictva PK «MAZ» vydzialić pamiaškańnie dla praviadzieńnia Foruma, arhanizatary byli vymušanyja šukać inšyja mažlivaści. Jak zaznačyŭ staršnyja arhkamitetu pa praviadzieńni Foruma «U budučyniu — biez kamunizmu» Aleś Michalevič, pryčyna admovy ŭ pamiaškańni vydumanaja, i Forum adbudziecca ŭ lubym vypadku, niachaj i ŭ mienšym maštabie.
U Forumie «U budučyniu — biez kamunizmu» prymuć udzieł navukoŭcy, asoby, paciarpiełyja ad represijaŭ kamunistyčnaha režymu, palityki, hramadzkija dziejačy, dziejačy kultury i mastactva, pradstaŭniki duchavienstva, a taksama zamiežnyja hości.
U pačatku listapada ŭ Miensku adbudziecca mižnarodnyja sustreča pradstaŭnikoŭ kamunistyčnych partyjaŭ. Biełaruskaja hramadzkaść vystupaje z rašučym pratestam suprać ekspansii kamunistyčnaha imperyjalizmu. Tamu pa inicyjatyvie hramadzka‑palityčnych lideraŭ Biełarusi stvorany arhkamitet pa praviadzieńni antykamunistyčnaha Forumu, u skład jakoha ŭvajšli Pavał Sieviaryniec, sustaršynia arhkamitetu pa stvareńni partyi «Biełaruskaja chryścijanskaja demakratyja», Ihar Kuźniacoŭ, viadomy daślednik temy kamunistyčnych represijaŭ, kandydat histaryčnych navuk, a taksama Aleś Michalevič, namieśnik staršyni Partyi BNF.
Arhkamitet pa praviadzieńni Foruma «U budučyniu — biez kamunizmu»
Dla dadatkovaj infarmacyi možna źviartacca pa adrasie
michalevic.press@gmail.com i pa telefonie 6822055