Kiraŭnik departamienta vieterynarnaha i charčovaha nahladu vyzvaleny ad pasady
Vasil Žukaŭ budzie vyzvaleny ad pasady dyrektara departamienta vieterynarnaha i charčovaha nahladu Minsielhascharču Biełarusi. Takoje rašeńnie źmieščana ŭ pastanovie Savieta Ministraŭ numar 371 ad 18 krasavika biahučaha hoda.
«Vyzvalić Žukava Vasila Patapaviča ad pasady dyrektara departamienta vieterynarnaha i charčovaha nahladu Ministerstva sielskaj haspadarki i charčavańnia Biełarusi ŭ suviazi z učynieńniem prastupka, niesumiaščalnaha sa znachodžańniem na dziaržaŭnaj słužbie», — pradpisana ŭ dakumiencie.
U Minsielhascharčy Biełarusi ŭdakładnili, što zhadany prastupak nie datyčycca raboty, jakuju Vasil Žukaŭ vykonvaŭ u Ministerstvie sielskaj haspadarki.
Vasil Žukaŭ niekalki hadoŭ tamu pracavaŭ dyrektaram AAT «Biełenierhasnabkamplekt». Śledčy kamitet uzbudziŭ kryminalnuju spravu ŭ hetych adnosinach — były kiraŭnik pradpryjemstva byŭ abvinavačany ŭ pieravyšeńni słužbovych paŭnamoctvaŭ.