Na Harley-Davidson raźbiŭsia brat Juryja Čyža. Mužčyna ŭ reanimacyi
U DTZ, jakoje adbyłosia 20 krasavika ŭ 14.30 u vioscy Raviacičy Biarozaŭskaha rajona, surjoznyja traŭmy atrymaŭ 56-hadovy kiroŭca Harley-Davidson. Za rulom «Charleja» byŭ brat biełaruskaha aliharcha Juryja Čyža — Anatol.
«Žychar Biarozy na Harley-Davidson jechaŭ pa pravym baku vulicy Lenina. Pablizu doma № 8 jon nie spraviŭsia z kiravańniem, heta pryviało da zanosu i pierakulvańnia transpartnaha srodku», — paviedamili ŭ DAI Bresckaj vobłaści.
U vyniku kiroŭcu matacykła z množnymi traŭmami dastavili ŭ reanimacyjnaje adździaleńnie centralnaj rajonnaj balnicy.
Jak dadali ŭ DAI, kiroŭca matacykła byŭ ćviarozy i jechaŭ u motašlemie.
Biełaruski biźniesmien Juryj Čyž naradziŭsia ŭ vioscy Sabali Biarozaŭskaha rajona Bresckaj vobłaści. U minułym hodzie jon uznačaliŭ «Top-200 paśpiachovych i ŭpłyvovych biźniesmienaŭ Biełarusi».