U Mjanmie ŭ vojska gvałtam zabirajuć dziaciej
Vajskovyja j hramadzianskija rekrutery, jakija atrymlivajuć za heta hrošy, chapajuć padletkaŭ na vulicy, hvałtam ciahnuć na viarbovačnyja punkty, bjuć ich, zapužvajuć, paznačajuć u dakumentach chłuślivyja źviestki pra ichni viek.
Birmanskija vajskoŭcy prymusova nabirajuć u vojska dziaciej ad 10 hadoŭ vieku, havorycca ŭ apublikavanym u aŭtorak dakładzie pravaabarončaj arhanizacyi Human Rights Watch.
U dakumencie, jakija maje nazvu «Pradadzienyja ŭ sałdaty: pryzyŭ i vykarystańnie niepaŭnahadovych vajskoŭcaŭ u Birmie» havorycca, što vajskovyja j hramadzianskija rekrutery, jakija atrymlivajuć za heta hrošy, chapajuć padletkaŭ na vulicy, hvałtam ciahnuć na viarbovačnyja punkty, bjuć ich, zapužvajuć, paznačajuć u dakumentach chłuślivyja źviestki pra ichni viek.
«Kali ja skazaŭ, što mnie 16 hadoŭ, to atrymaŭ poŭchu, — cytuje dakład słovy adnoj z achviar. — Ja prasiŭ, kab mianie adpuścili dachaty, ale mnie admovili».
Aficyjna va ŭzbrojenych siłach Birmy słužać z 18 hadoŭ. Vojska farmujecca na kantraktnaj asnovie i adčuvaje niedachop dobraachvotnikaŭ, jaki, na dumku pravaabaroncaŭ, uzmacniŭsia paśla taho, jak sałdat kinuli na raspravu nad budyskimi manachami i biazzbrojnymi demanstrantami pry kancy vieraśnia.
Pavodle źviestak Human Rights Watch, kolkaść niepaŭnaletnich žaŭnieraŭ u Birmie siahaje niekalkich tysiač. Paśla 18‑tydniovaj vajskovaj padrychtoŭki navabrancaŭ adpraŭlajuć u častki, u tym liku na baraćbu z paŭstancami ŭ addalenyja rajony krainy.
Birmanski vajskovy režym pryznaje najaŭnaść prablemy i navat zasnavaŭ specyjalny kamitet dla jejnaha vyvučeńnia, adnak, pavodle słovaŭ jurystki Human Rights Watch, adno imituje baraćbu z parušeńniami zakonu pry nabory ŭ vojska.
«Vyšejšyja hienerały nie zvažajuć na barbarskaje vykarystańnie dziaciej, i nie karajuć vinavatych. Vajskovym rekruteram całkam raźviazanyja ruki», — dadała jana.
Rada Biaśpieki AAN nieŭzabavie vierniecca da sytuacyi z pravami čałavieka ŭ Birmie, dzie zastajucca ŭ viaźnicach tysiačy ŭdzielnikaŭ vieraśnioŭskich akcyj pratestu.
Human Rights Watch patrabuje ad Rady biaśpieki źviarnuć uvahu taksama na prablemu niepaŭnahadovych sałdat i ŭzmacnić sankcyi suprać birmanskaha režymu.