U Rasii vyviesili banier pra podźvih Hieroja Savieckaha Sajuza z 12 pamyłkami FOTAFAKT
U Čycie (Rasija) na vulicy źjaviŭsia banier, pryśviečany podźvihu suviazista Alaksieja Załatarova padčas Vialikaj Ajčynnaj vajny, z 12 pamyłkami ŭ tekście. Płakat źjaviŭsia 11 krasavika, paviedamlaje «Čita.ru».
čita.ru
U tekście, u pryvatnaści, z małych litar napisanyja słovy «Saviecki sajuz» i «zabajkalje». Załataroŭ, zhodna z tekstam baniera, byŭ «mołodym komunistom», jaki ŭdzielničaŭ u «niepriryvnych» bojach. Aŭtary płakata taksama ŭkazali, što Załataroŭ 45 razoŭ abaraniaŭ vuzieł suviazi. Na samaj spravie jon likvidavaŭ 45 paškodžańniaŭ telefonnaj linii.
Paśla publikacyi naviny baner prybrali z rekłamnaha miesca. U kampanii «Epicentr», što raźmiaściła jaho, rastłumačyli, što šyldu zamoviła zabajkalskaje adździaleńnie KPRF,
z pradstaŭnikami jakoha ŭzhadniali kančatkovy tekst płakata piać razoŭ.
Sakratar krajkama KPRF Juryj Hajduk raspavioŭ vydańniu, što na płakacie pa pamyłcy nadrukavali čarnavy varyjant tekstu, i paprasiŭ prabačeńnia pierad čycincami.