Nieviadomyja sprabavali ŭvarvacca u špital da Šumachiera
Incydent adbyŭsia dva tydni tamu, ale viadoma pra heta stała tolki ciapier.
Fanaty Šumachiera kala špitala ŭ Hrenobli.
Dvoje nieviadomych sprabavali ŭvarvacca ŭ pałatu suśvietna viadomaha honščyka Michaela Šumachiera, kab sfatahrafavacca z chvorym na telefon. Achova apieratyŭna zreahavała i spyniła vizicioraŭ.
Heta ŭžo nie pieršy padobny vypadak. Na samym pačatku špitalizacyi spartsmiena, da jaho ŭ pałatu sprabavaŭ prajści čałaviek, pieraapranuty ŭ śviatara.
Ciažkuju traŭmu suśvietna viadomy honščyk Michael Šumachier atrymaŭ, katajučysia na łyžach u kancy śniežnia 2013 hoda. U balnicy Hrenobla miedyki pahruzili honščyka ŭ štučnuju komu, kab minimizavać škodu dla mozhu ad atrymanaj traŭmy i dźviuch pieraniesienych apieracyj. Ciapier honščyk vyjšaŭ z komy i navat reahuje na hałasy miedykaŭ i naviedvalnikaŭ, ŭstanaŭlivaje ź imi zrokavy kantakt.