U Maskvie mitynhoŭcaŭ zatrymali za niabačnyja transparanty
U Maskvie na Maniežnaj płoščy zatrymali ŭdzielnikaŭ akcyi ŭ padtrymku «bałotnych viaźniaŭ». Šaściora aktyvistaŭ vyciahnuli ruki takim čynam, nibyta jany trymajuć u ich płakat, adnak samoha płakata ŭ rukach u ich nie było. Niahledziačy na heta, jany byli zatrymanyja.
Da hetaha palicyjanty zatrymali jašče čaćviarych udzielnikaŭ akcyi. Dvoje ź ich pa čarzie stajali ŭ adzinočnych pikietach, astatnija dvoje sprabavali vyciahnuć svaich tavaryšaŭ z aŭtazaka.
Akcyi «Stratehii- 6» za vyzvaleńnie «bałotnych viaźniaŭ» i ŭsich palitviaźniaŭ pravodziacca 6 čysła kožnaha miesiaca ŭ farmacie narodnaha schodu i adzinočnych pikietaŭ. Jak viadoma, 6 sakavika na Maniežnaj płoščy taksama prajšli zatrymańni.