Kiraŭnik śpiecnaza «Alfa» pryznačany namieśnikam staršyni KDB
Kiraŭnik śpiecnaza KDB «Alfa» pałkoŭnik Aleh Čarnyšoŭ – heta zusim nie «byk-kačok». A adzin z najmacniejšych intelektualna siłavikoŭ.
Šmat hadoŭ jon zajmaŭsia prablemami teraryzmu, uznačalvaŭ Antyterarystyčny centr, byŭ namieśnikam načalnika Instytuta nacyjanalnaj biaśpieki, kandydat jurydyčnych navuk.
Siońnia Łukašenka pryznačyŭ Čarnyšova namieśnikam staršyni KDB. Jak adznačała niekali Śviatłana Kalinkina, kiraŭniki «Alfy» mianiajucca značna radziej za staršyń KDB.
Bajcy «Alfy» zabiaśpiečvajuć fizičnuju abaronu i biaśpieku biełaruskaha kiraŭnictva i vysokich zamiežnych haściej. U novyja abaviazki taksama ŭvajšła baraćba ź niezakonnym vyvazam kaštoŭnych mietałaŭ, materyjalnych i histaryčnych kaštoŭnaściaŭ za miežy krainy.
Pry stvareńni «Alfy» pieravaha addavałasia aficeram-afhancam, vedevešnikam, prafiesijnym spartoŭcam. Ciapier vyšejšaja adukacyja i słužba ŭ vojsku abaviazkovaja dla kandydataŭ. Taksama ŭvaha nadajecca zdolnaści vynosić vialikija psichałahičnyja i fizičnyja nahruzki. Uzrost bajcoŭ — 30-35 hadoŭ.