Rasija pačała maštabnyja vučeńni na miažy z Kitajem i Manholijaj
U pamiežnym Zabajkalskim krai pačalisia maštabnyja kamandna-štabnyja vučeńni pa pierakidcy vojskaŭ. Pra heta paviedamlaje kiraŭnik pres-słužby Uschodniaj vajskovaj akruhi padpałkoŭnik Alaksandr Hardziejeŭ.
U manieŭrach prymajuć udzieł dva abjadnańni z Zabajkalskaha kraju i Buracii. Na ich, jak paviedamlajecca, buduć adpracavany pytańni pierahrupoŭki i pierakidvańnia vojskaŭ: usiaho budzie zadziejničana kala 250 adzinak vajennaj i śpiecyjalnaj techniki.
Vučeńni prachodziać pad kiraŭnictvam kamandujučaha vojskami Uschodniaj vajennaj akruhi hienierał-pałkoŭnika Siarhieja Suravikina i nosiać płanavy charaktar.
Zabajkalski kraj miažuje z Manholijaj i kitajskaj pravincyjaj Unutranaja Manholija.