Žart pra «śmierć» mera vyklikaŭ skandał u Nieapali
Žart maładych prychilnikaŭ byłoha italjanskaha premjer-ministra Silvijo Bierłuskoni vyklikaŭ palityčny skandał.
U aŭtorak ranicaj na mnohich budynkach u centry Nieapala źjavilisia tradycyjnyja dla Italii žałobnyja abjavy. U ich paviedamlałasia: «Va ŭzroście 45 hadoŭ ad nas pajšoŭ były śledčy, mer Nieapala Łuidžy De Madžystrys. Pra heta z žalem paviedamlajuć žonka, braty, siostry, plamieńniki i svajaki. Pachavańnie adbudziecca 1 krasavika ŭ 10.30 ranicy ŭ Pałaca San Džakoma».
Jak paviedamlaje RIA «Novosti», taki žart vyklikaŭ abureńnie ŭ šmatlikich prychilnikaŭ Łuidžy De Madžystrysa, jaki prasłaviŭsia ŭ Italii bieskampramisnaj baraćboj ź nieapalitanskaj mafijaj i palityčnaj karupcyjaj. Jany ličać, što heta była akcyja zapałochvańnia. Mer Nieapala taksama takoj dumki. Jon adznačyŭ, što nie skardzicca na zdaroŭje dy vieryć, što takija abjavy tolki praciahvajuć žyćcio.