U Rasii znoŭ vykazvajucca za pavyšeńnie piensijnaha ŭzrostu
Kiraŭnik minfina Rasii Anton Siłuanaŭ znoŭ zajaviŭ ab nieabchodnaści padvysić piensijny ŭzrost u krainie, kab zbałansavać piensijnuju sistemu i źnizić nahruzku na biudžet.
Pa słovach Siłuanava, «piensijnuju reformu možna było b bolš žorstka padkrucić».
Ciapier uzrost vychadu na piensiju dla mužčyn u Rasii, jak i ŭ Biełarusi, składaje 60 hadoŭ, a dla žančyn — 55.
Tema pavyšeńnia piensijnaha ŭzrostu aktyŭna abmiarkoŭvajecca ŭ rasijskich ŚMI.
U toj ža čas prezident Rasii Uładzimir Pucin i premjer-ministr Dźmitryj Miadźviedzieŭ nie adnarazova zajaŭlali, što takoje pavyšeńnie niemetazhodna.