U Bachčysarai prarasijskija siły vykrali kamandzira vajskovaj častki
U niadzielu ŭ Bachčysarai byŭ vykradzieny kamandzir ukrainskaj vajskovaj častcy, padpałkoŭnik Uładzimir Sadoŭnik. Pra heta paviedamiŭ načalnik štaba hetaj vajskovaj častki padpałkoŭnik Hundzier Siarhiej.
Pavodle jaho słoŭ, heta adbyłosia ŭ niadzielu 9 sakavika, prykładna ŭ 17:00. Sadoŭnik viartaŭsia z abiedu.
Nieviadomyja, prarasiejskija nastrojenyja ludzi pasadzili jaho ŭ aŭtamabil i pavieźli.
«Vidavočcy bačyli jaho spačatku ŭ ofisie «Ruskaha adzinstva», a kali tudy prybyli, skazali, što jaho nikoli tam nie bačyli», — raspavioŭ Hundzier.
«Pa stanie na ranicu paniadziełka, jon vyjšaŭ na suviaź z žonkaj pamiž 7:00 i 8:00 ranicy. Jon skazaŭ, što ź im usio narmalna, ale jon znachodzicca ŭ nieviadomym jamu miescy. Nijakich patrabavańniaŭ jamu nie pradjaŭlajuć», — raspavioŭ padpałkoŭnik.
Jak viadoma, u niadzielu ŭ Krymie stali vykradać ludziej. Vykrali piać čałaviek, u tym liku žurnalistaŭ.