Uradavy ŭkrainski samalot 14 razoŭ razvaročvaŭsia ŭ niebie nad Kijevam FOTAZAHADKA
A ŭ vyniku nikudy nie palacieŭ.
Karta palotaŭ borta UR-ABA.
Bort UR-ABA. Fota z «Vikipiedyi».
Jak vynikaje z zapisaŭ sajta flightradar24.com, u 03:15 pa kijeŭskim časie z aeraporta ŭ Baryspali ŭźlacieŭ samalot z rehistracyjnym numaram UR-ABA, jaki naležyć ukrainskamu ŭradu. Adnak nikudy nie palacieŭ, a paŭtary hadziny kružlaŭ vakoł aeraporta, paśla čaho pryziamliŭsia ŭ Baryspali a 04:35. Zhodna z zapisam radara, samalot 14 razoŭ sprabavaŭ pryziamlicca, źnižaŭ vyšyniu, ale paśla znoŭ uźlataŭ.
Supracoŭniki ŭkrainskaha dziaržaŭnaha pradpryjemstva absłuhoŭvańnia pavietranaha rucha Ukrainy «Ukraeraruch» admovilisia paviedamić «Našaj Nivie», što zdaryłasia z samalotam.
Samalot Airbus A319-115(CJ) u kanfihuracyi VIP naležyć uradu Ukrainy sa śniežnia 2008 hoda. Da hetaha łajnier byŭ ułasnaściu aŭstryjskaj kampanii Jetalliance.