U Mahilovie pakažuć śpiektakl pra terakt padčas «Nord-Osta»
Pjesu «Nord-Ost» napisaŭ niamiecki dramaturh i scenaryst Torsten Buchštajnier. Jaho tekst – realnyja historyi troch žančyn, jakija stali ŭdzielnicami trahiedyi ŭ teatralnym centry na Dubroŭcy ŭ Maskvie.
Tady hrupa ŭzbrojenych čačenskich bajevikoŭ na čale z Maŭsaram Barajevym zachapiła ŭ zakładniki 850 hledačoŭ, jakija pryjšli na miuzikł «Nord-Ost». Jany patrabavali vyvadu rasijskich vojskaŭ z Čačni. U vyniku śpiecapieracyi bolšaść zakładnikaŭ byli vyzvalena, a terarysty źniščany. Ale
zastałosia pytańnie nakont vykarystanaha ŭsyplalnaha haza. Pravaabaroncy abvinavačvali ŭładu, što vyzvalenym zakładnikam nie akazali patrebnaj miedycynskaj dapamohi. U vyniku achviary skłali ad 130 da 174 čałaviek.
Buchštajnier pa chvilinach supastaŭlaje padziei, jakija adbylisia z hierainiami: terarystkaj-śmiarotnicaj, maskvičkaj, jakaja pryjšła na śpiektakl ź siamjoj, i lekaram, jakaja prybyła na miesca teraktu. Pryčym kožnaja pradstaŭlaje svaju viersiju padziej. Chto ź ich maje racyju, vyrašać hledačam.
Premjera śpiektakla «Nord-Ost» adbudziecca 13 sakavika na małoj scenie Mahiloŭskaha abłasnoha dramatyčnaha teatra. Pačatak a 18:30.