Krynica ŭ Kramli nazvała zajavy daradcy Pucina jaho asabistym mierkavańniem
Vysokapastaŭlenaja krynica ŭ Kramli ŭ adkaz na prośbu RIA «Naviny» prakamientavać zajavu daradcy prezidenta RF Siarhieja Hłaźjeva ab finansavych uzajemaadnosinach RF i ZŠA padkreśliŭ, što heta asabistaje mierkavańnie apošniaha i jano nie adpaviadaje pazicyi Kramla.
Surazmoŭca ahienctva dadaŭ, što Hłaźjeŭ, mabyć, vykazaŭ svaju viersiju jak akademik, a nie jak daradca prezidenta.
Hłaźjeŭ paviedamiŭ u intervju «RIA Naviny», što RF u vypadku ŭviadzieńnia sankcyj z boku ZŠA budzie vymušanaja sychodzić u inšyja valuty, stvarać svaju raźlikova-apłatnuju sistemu. Na jaho dumku, ułady RF u vypadku zamarožvańnia ZŠA rachunkaŭ rasijskich pradpryjemstvaŭ i hramadzian buduć rekamiendavać usim pradavać amierykanskija kaznačejskija abaviazańni. Taksama sankcyi z boku ZŠA suprać rasijskich dziaržstruktur vymusiać Rasiju pryznać niemahčymaść viartańnia kredytaŭ amierykanskim bankam.