U Viciebsku padpalili piać mašyn, u tym liku dźvie milicejskija
Achviarami złamyśnikaŭ stali taksama «Krajśler» i «Chonda» — ekskluziŭnyja madeli, jakija byli ŭ Viciebsku adzinkavymi.
Napraciahu dvuch tydniaŭ nieviadomyja złačyncy ŭ Čyhunačnym rajonie Viciebska padpalili piać lehkavych mašyn. U tym liku dźvie milicejskija — VAZ 2110 i «Mazda 626».
Jak paviedamlaje «Viciebski vieśnik», achviarami złamyśnikaŭ stali taksama «Krajśler» i «Chonda» — ekskluziŭnyja madeli, jakija byli ŭ Viciebsku adzinkavymi. Złačynstvy byli zrobleny ŭnačy, pryblizna ŭ adzin čas — u pramiežku pamiž 12 i 2 hadzinami. Supracoŭniki milicyi amal nie sumniavajucca, što ŭsie padpały rabiŭ adzin i toj ža čałaviek.
Złačyncu pakul šukajuć. U suviazi z hetym Čyhunačny RAUS Viciebska źviartajecca da hramadzian, jakim što‑niebudź viadoma pra sieryju padpałaŭ, paviedamić u dziažurnuju častku pa telefonie 36‑51‑85 abo ŭ luboje adździaleńnie milicyi.