Łukašenkaŭski bort №1 nie palacieŭ za biełaruskimi alimpijcami, a zabraŭ bolš ścipły TU-154
Paśla taho, jak u skarboncy našaj zbornaj akazałasia 5 załatych miedaloŭ, Alaksandr Łukašenka zajaviŭ, što nakiroŭvaje ŭ Sočy prezidencki samalot, jaki dastavić u Minsk spartsmienaŭ, trenieraŭ i śpiecyjalistaŭ.
Jašče ranicaj 24 lutym aficyjnaje ahienctva BiełTA paviedamlała, što biełaruskija alimpijskija čempijony prybuduć śpiecrejsam na borcie №1.
Adnak paśla vyśvietliłasia, što za spartsmienami vysłany nie Boeing-767-300ER, na jakim lotaje kiraŭnik dziaržavy, a kudy bolš ścipły ŭradavy «TU-154M».
Jaho vylet z Sočy i, adpaviedna, pasadka ŭ Minsku adbylisia z surjoznaj zatrymkaj z-za vialikaj kolkaści samalotaŭ u aeraporcie rasijskaha kurorta.