Zakarpackija siłaviki pierajšli na bok Majdanu
Adrazu niekalki kiraŭnikoŭ siłavych viedamstvaŭ Zakarpaćcia abviaścili pra «pierachod na bok ukrainskaha narodu».
Z takoj zajavaj, u pryvatnaści, vystupiŭ načalnik abłasnoha ŭpraŭleńnia MUS Vasil Varcaba i kiraŭnik miascovaha «Bierkuta» Vasil Šalenik, paviedamlaje «Zakarpaćcie anłajn».
Pavodle infarmacyi pres-słužby apazicyjny partyi UDAR, pra padtrymku naroda zajaviła taksama Zakarpackaje ŭpraŭleńnie Słužby biaśpieki Ukrainy. A prakuror vobłaści Uładzimir Korban ahučyŭ, što napiša zajavu ab adstaŭcy.