«Viedomosti»: Vałošyn pakinie radu dyrektaraŭ «Urałkalija»
Eks-kiraŭnik administracyi prezidenta Rasii, a ciapier staršynia rady dyrektaraŭ «Urałkalija» Alaksandr Vałošyn u krasaviku pakinie kampaniju, piša hazieta «Viedomosti».
Na 4 krasavika pryznačany pazačarhovy schod akcyjanieraŭ «Urałkalija», na jakim budzie pieraabranaja rada dyrektaraŭ. Ale Vałošyn u śpis kandydataŭ uklučany nie budzie, raskazali vydańniu dźvie krynicy, blizkija da roznych akcyjanieraŭ kampanii, a taksama znajomy Vałošyna. «Urałchim» naminavać Vałošyna nie budzie, kaža adzin z surazmoŭcaŭ haziety. «Oneksim» — z vysokaj dolaj vierahodnaści — hetaha taksama nie zrobić, dadaje inšy. U Vałošyna inšyja płany, padkreślivaje treci surazmoŭca. Pradstaŭniki «Oneksima», «Urałchima» ad kamientaroŭ admovilisia. Atrymać kamientar Vałošyna nie ŭdałosia.
Vałošyn uznačalvaje radu ź vieraśnia 2010 hoda.
Tudy jaho zaprasiŭ były asnoŭny ŭładalnik kampanii Sulejman Kierymaŭ praz try miesiacy paśla taho, jak z partniorami (Alaksandram Niesisam i Fiłaretam Halčavym) kupiŭ u Dźmitryja Rybałoŭleva kantrolny pakiet «Urałkalija».