Da kanca lutaha zima nie vierniecca
Na hetym tydni ŭ Biełarusi zachavajecca adliha, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 17 lutaha padčas videabryfinhu.
«Atłantyčnyja cykłony, z zajzdrosnym pastajanstvam pieramiaščajučysia adzin za adnym ŭ paŭnočnych šyrotach, pierakryli dostup chałodnaha pavietra na poŭdzień Jeŭrapiejskaha kantynienta. U šmatkiłamietrovaj taŭščyni atmaśfiery pieravažajuć zachodnija viatry, jakija sadziejničajuć praniknieńniu ciopłych akijaničnych pavietranych mas daloka na ŭschod. Nadvorje, jakoje ŭstanaviłasia ŭ Biełarusi, pa tempieraturnym režymie na 4—9 hradusaŭ pieravyšaje klimatyčnuju normu i adpaviadaje kancu sakavika», — zaznačyŭ sinoptyk.
U aŭtorak miescami, u asnoŭnym pa poŭnačy, čakajucca nievialikija apadki (doždž, mokry śnieh). Nočču i ranicaj u asobnych rajonach tuman, słaby hałalod. Na asobnych učastkach daroh hałalodzica. Tempieratura nočču minus 3 — plus 2°S, dniom plus 1—7°S.
U sieradu atmaśfierny cisk krychu ŭpadzie, i nočču pa paŭnočnym uschodzie, dniom miescami pa krainie čakajucca nievialikija apadki (doždž, mokry śnieh). U asobnych rajonach tuman, nočču i ranicaj słaby hałalod, na darohach hałalodzica. Tempieratura pavietra nočču minus 4 — plus 2°S, dniom ad plus 1°S pa paŭnočnym uschodzie da plus 8°S pa paŭdniovym zachadzie Biełarusi.
U čaćvier atmaśfierny front z Zachodniaj Jeŭropy pryniasie bolš istotnyja apadki, i nočču na bolšaj častcy terytoryi Biełarusi, a dniom miescami projduć karotkačasovyja apadki (doždž, mokry śnieh). U asobnych rajonach zhuściacca tumany, nočču i ranicaj mahčymy słaby hałalod, na darohach miescami zachavajecca hałalodzica. Tempieratura pavietra nočču minus 3 — plus 3°S, dniom 0 — plus 6°S.
U piatnicu miescami karotkačasovyja apadki (mokry śnieh, doždž). U asobnych rajonach tuman, nočču i ranicaj słaby hałalod, na darohach hałalodzica. Tempieratura pavietra nočču minus 3 — plus 3°S, pry prajaśnieńniach da minus 5°S, dniom 0 — plus 5°S.
Dniom u subotu čarhovy frantalny raździeł ad atłantyčnaha cykłonu padydzie da zachodnich rehijonaŭ Biełarusi, tamu pa zachodniaj pałovie čakajucca apadki (mokry śnieh, doždž). Miescami pa krainie tuman, nočču i ranicaj słaby hałalod, na darohach hałalodzica. Tempieratura pavietra nočču minus 3 — plus 3°S, pa ŭschodzie pry prajaśnieńniach da minus 6°S, dniom 0 — plus 6°S.
Jak zaznačyŭ Rabaŭ, «atmaśfierny front, jaki pavolna pieramiaščajecca va ŭschodnim napramku, stanie asnoŭnym nadvorjestvaralnym faktaram u niadzielu». U mnohich rajonach apadki (mokry śnieh, doždž). Miescami tuman, nočču i ranicaj słaby hałalod, na darohach hałalodzica. Tempieratura pavietra nočču minus 3 — plus 3°S, dniom 0 — plus 5°S.
«Zhodna z papiarednim prahnozam, da kanca lutaha pa-sapraŭdnamu zimovaha nadvorja čakać nie davodzicca», — skazaŭ sinoptyk.