Hałandyja abahnała pa ŭznaharodach usich, Biełaruś zastajecca ŭ dziasiatcy. U paniadziełak — bijatłon i frystajł
Załaty skačok Ały Cupier, fota Alaksandra Siemianiaki, NAK Biełarusi.
Siońnia, 16 lutaha, na Zimovych Alimpijskich Hulniach u Sočy byli razyhranyja čatyry kamplekty miedaloŭ. Mas-start u mužčynskim bijatłonie (tut biełarusaŭ niama) pieraniesieny na ranicu paniadziełka z-za mocnaha tumanu.
U hornych łyžach (supier-hihant) alimpijskim čempijonam staŭ narviežac staŭ Chjecil Jansrud, češka Jeva Samkova vyjhrała snoŭbord-kros, a zbornaja Šviecyi — łyžnuju estafietu.
A voś całkam hałandski pjedestał u zabiehu na 1 500 m siarod žančyn (Joryjen Ter Mors, Iren Viust, Łote van Biejek) vyvieŭ Hałandyju na druhoje miesca ŭ ahulnym kamandnym zaliku. Zbornaja hetaj krainy taksama maje najbolšuju kolkaść zavajavanych uznaharodaŭ. Pryčym usie jany źviazanyja z kańkami: 16 u kańkabiežnym sporcie i adna ŭ šort-treku.
U paniadziełak na Alimpijadzie buduć razyhranyja siem kamplektaŭ uznaharodaŭ.
Nadziei biełarusaŭ źviazanyja z žanočym mas-startam u bijatłonie (pačatak a 18-j), a mienavita vystupam Darji Domračavaj i Nadziei Skardzina, a taksama finałami ŭ frystajle (Anton Kušnir, Dźmitryj Daščynski i Alaksiej Hryšyn), ale tut u finał treba jašče trapić. Pačatak pieršaj kvalifikacyi ŭ 16:45, finały z 20:30.
Nahadajem, u biełarusaŭ na Alimpijadzie čatyry miedali: try załatyja (2 — Darji Domračavaj u honcy pieraśledu i ind. honcy, zołata Ały Cupier u łyžnaj akrabatycy (frystajł)) i bronzavy miedal Nadziei Skardzina ŭ indyvidualnaj honcy.
Miedalny zalik pa stanie na viečar 16 lutaha
| Miesca | Kraina | Zołata | Srebra | Bronza | Usiaho |
| 1 | Hiermanija | 7 | 3 | 2 | 12 |
| 2 | Hałandyja | 5 | 5 | 7 | 17 |
| 3 | Narviehija | 5 | 3 | 6 | 14 |
| 4 | Šviejcaryja | 5 | 1 | 1 | 7 |
| 5 | Rasija | 4 | 7 | 5 | 16 |
| 6 | Kanada | 4 | 6 | 4 | 14 |
| 7 | ZŠA | 4 | 4 | 8 | 16 |
| 8 | Polšča | 4 | 0 | 0 | 4 |
| 9 | Kitaj | 3 | 2 | 0 | 5 |
| 10 | Biełaruś | 3 | 0 | 1 | 4 |
| 11 | Šviecyja | 2 | 5 | 2 | 9 |
| 12 | Aŭstryja | 2 | 4 | 1 | 7 |
| 13 | Francyja | 2 | 0 | 4 | 6 |
| 14 | Japonija | 1 | 3 | 1 | 5 |
| 15 | Čechija | 1 | 2 | 1 | 4 |
| 16 | Słavienija | 1 | 1 | 3 | 5 |
| 17 | Paŭd. Kareja | 1 | 1 | 1 | 3 |
| 18 | Vialikabrytanija | 1 | 0 | 1 | 2 |
| 19 | Słavakija | 1 | 0 | 0 | 1 |
| 20 | Italija | 0 | 2 | 3 | 5 |
| 21 | Finlandyja | 0 | 2 | 0 | 2 |
| 22 | Łatvija | 0 | 1 | 2 | 3 |
| 23 | Aŭstralija | 0 | 1 | 1 | 2 |
| 24 | Charvatyja | 0 | 1 | 0 | 1 |
| 25-26 | Kazachstan | 0 | 0 | 1 | 1 |
| Ukraina | 0 | 0 | 1 | 1 | |