Alimpijski ahoń zapalili chakieist Traćciak i fihurystka Radnina, jakaja pakazvała banan Baraku Abamu
Hałoŭnaj intryhaj cyrymonii adkryćcia Zimovaj Alimpijady ŭ Sočy było pytańnie, ci zapalić alimpijski ahoń byłaja himnastka Alina Kabajeva. Nahadajem, u simpatyjach da jaje byŭ nieadnarazova zaŭvažany prezident Rasii Uładzimir Pucin.
Pa internecie hulaŭ žart: a što zrabiŭ dla lubimaj žančyny ty?
U finalnaj estafiecie ahniu ŭziali ŭdzieł Maryja Šarapava, Alena Isinbajeva, Alaksandr Karelin i Kabajeva. Ale ahoń zapaliła nie jana.
Himnastka patrymała jaho ŭ rukach i pieradała chakieistu Uładzisłavu Traćciaku i fihurystcy Irynie Radninoj.
Traćciak — lehiendarny saviecki chakieist, ciapier prezident rasijskaj chakiejnaj fiederacyi i deputat Dziaržaŭnaj Dumy ad «Adzinaj Rasii».
Radnina - trochrazovaja alimpijskaja čempijonka, dziesiacirazovaja čempijonka śvietu. Jana taksama deputatka Dziaržaŭnaj Dumy ad «Adzinaj Rasii».
U vybary arhanizataraŭ Alimpijady možna ŭbačyć palityčny padtekst. Paŭhoda tamu Radnina trapiła ŭ skandał, vykłaŭšy ŭ tvitar niepalitkarektny kałaž, na jakim čarnaskury prezident ZŠA Barak Abama razam z žonkaj ździŭlena hladziać na banan.
Darečy, Abama, jak i mnohija inšyja suśvietnyja lidary, praihnaravaŭ Alimpijadu ŭ Sočy.