Kiroŭca «Opiela» źbiŭ chłopčyka, ale admaŭlaje svaju vinu
Zavieršana rasśledavańnie kryminalnaj spravy ŭ adnosinach da 59-hadovaha minčuka, jaki abvinavačvajecca ŭ najeździe na niepaŭnaletniaha, 1999 hoda naradžeńnia. Najezd adbyŭsia 19 kastryčnika 2013 na nierehulavanym piešachodnym pierachodzie na Daŭhinaŭskim trakcie ŭ Minsku. Chłopčyk atrymaŭ ciažkija cialesnyja paškodžańni.
«Treba adznačyć, što abvinavačany admoviŭsia śviedčyć, svajoj viny nie pryznaŭ. Adnak pakazańni śviedkaŭ, sudovyja ekśpiertyzy, inšyja śledčyja mierapryjemstvy dajuć padstavy dla vysnovy pra vinavataść kiroŭcy ŭ ździajśnieńni złačynstva», — zajaviŭ pradstaŭnik upraŭleńnia Śledčaha kamiteta pa Minsku Alaksandr Hierasimaŭ.
Sprava pieradadziena prakuroru dla nakiravańnia ŭ sud.