Alaksiej Baciukoŭ. Žyćcio biez pakutaŭ.
Nadrukavana ŭ rubrycy «Hod paezii» ŭ № 37'2007
- Žyćcio biez pakutaŭ.
Pakuty biaz bolu.
Vino biez atruty.
Turma bieź niavoli.
- Malitva biaz hrechu.
Spakusa biaź śmiechu.
Chacina biaz recha,
biaz recha i hrechu.
- Žyćcio biez samoty,
nudy, adzinoty.
Žyćcio praź ciabie
naŭprastki navylotam.
- Biaz chrypu i jenkaŭ,
biaz zroku i zrenkaŭ
biazrukimi palcami
łaščym i macajem.
- Na sonny, biazrodny,
ciažarny śvitanak
vychodzim dajeści chałodny
śniadanak.
- Utułak pa šyju ŭtulny
i tolki
ihołki, ihołki, ihołki, ihołki.
- Vialiki, mahutny
i nieabsalutny!
Nie vysakarodny
vaš vyrak… A rodny…