Łukašenka pra ŭkrainskija padziei: kašmar i katastrofa
«Toje, što adbyvajecca va Ukrainie, heta kašmar, heta katastrofa. Heta nie maja sprava, tam i bieź mianie raźbiarucca, paprosiać mianie — ja skažu «tak» abo «nie», dapamahu ci nie. Kali voźmuć uładu ŭ hetyja prezidenckija vybary tyja, chto hramiać, — heta nadoŭha», — adznačyŭ Łukašenka.
Alaksandr Łukašenka spadziajecca, što kanflikt va Ukrainie vyrašycca i nie akaža niehatyŭnaha ŭpłyvu na dziejnaść SND, dzie Ukraina staršyniuje ŭ 2014 hodzie.
«Budziem spadziavacca, što ŭsio budzie narmalna z punktu hledžańnia staršynstva ŭ SND. Nichto nie budzie pieranosić samit SND, naadvarot, ja ŭpeŭnieny, Janukovič budzie imknucca, kab hety samit prajšoŭ u ich, a my, i Rasija i inšyja, budziem takim čynam padtrymlivać Ukrainu i stabilnaść u joj, i ciapierašniaha prezidenta, tamu što heta hałoŭny pradstaŭnik ułady», — skazaŭ Łukašenka. Jon dadaŭ: «U astatnim jany pavinny razabracca sami. Zanadta šmat ambicyj u asobnych palitykaŭ».
«Vydatnaja kraina z cudoŭnym narodam, i voś hety bardak z tak zvanym rynkam, dzie kłany padzialili krainu, — voś da čaho heta pryvodzić.
Jak tolki dzieci prezidenta pačynajuć zajmacca biznesam — čakaj biady. Jak tolki ŭ žonak i paluboŭnic źjaŭlajucca karony na hałavie — čakaj biady», — skazaŭ Łukašenka.
Pavodle jaho słoŭ, upłyŭ na situacyju va Ukrainie akazvajuć źniešnija siły. «Palaki byli mocna padviazany i ci ledź nie prymiarała prahramu za toje, što Ukrainu pryviali ŭ Jeŭropu. Ja bajusia, kab Ukraina kančatkova nie stała arenaj razborak pamiž Zachadam i Uschodam», — adznačyŭ Łukašenka.