Łukašenka: U Biełarusi nie prycharošvajuć statystyčnych źviestak
Alaksandr Łukašenka zajaŭlaje, što ŭ Biełarusi nie adbyvajecca nijakich manipulacyj z aficyjnaj statystykaj.
«Tamu zajavy, što tut niešta prycharošana, — heta pustata poŭnaja. Nam hetych prycharošvańniaŭ, pa-pieršaje, nie treba, i ja nikoli hetym nie zajmaŭsia. A pa-druhoje, siońnia prycharošyć, zaŭtra nia budzie čym farbavać — farby skončacca», — skazaŭ Łukašenka.
Łukašenka nahadaŭ: «Nacyjanalny statystyčny kamitet, kab nie było na jaho zališniaha cisku, tamu što statystyka — reč vielmi surjoznaja i ad hetych dadzienych zaležać rašeńni, jakija dziaržaŭnyja vorhany, u tym liku i ja, i ŭrad, buduć prymać, vyviedzieny sa składu ŭrada. Heta było zroblena pad mižnarodnyja statystyčnyja normy».
«Tym samym ja chaču adreahavać na zajavy tych, chto sprabuje skazać, što tam niešta prycharošana. Ničoha nie prycharošana.
Tym bolš my pracujem u ščylnym kantakcie ź Mižnarodnym valutnym fondam. My nie prosim u ich ciapier nijakich kredytaŭ, ale ich mierkavańnie vielmi ŭpłyvaje na rejtynh dziaržavy. A z MVF nijak nie zmožaš supracoŭničać, kali ty nie adčyniš ŭsie karty. Tam prafiesijanały najvyšejšaha ŭzroŭniu», — padkreśliŭ Łukašenka.
Pavodle jaho słoŭ, Biełaruś nie admaŭlajecca supracoŭničać z MVF. U hetym hodzie płanujecca vypłacić kala 1 młrd. dalaraŭ zapazyčanaści. «Jany nam dali vielmi dobry kredyt niekalki hadoŭ tamu, my ź imi supracoŭničajem. I ŭ hetym supracoŭnictvie taksama nikoha nie padmanieš. Suśvietny bank chodzić ŭzdoŭž i papiarok pa Biełarusi», — skazaŭ Łukašenka.