Major milicyi vyratavaŭ u Kapyli baćku i traich dziaciej, što pravalilisia pad lod
Viečaram 19 studzienia 34-hadovy baćka razam sa svaimi niepaŭnaletnimi dočkami (1998 i 2008 hadoŭ naradžeńnia) vyrašyŭ prahulacca. Razam ź imi była 16-hadovaja siabroŭka adnoj ź dziaŭčynak, paviedamili ŭ pres-słužbie MNS.
«Mužčyna pavioŭ dziaciej hulać pa lodzie na vadajom. U vyniku pravaliŭsia sam, a razam ź im i dziaŭčaty. Mužčyna, što išoŭ mima (miarkujecca, što heta byŭ supracoŭnik RUUS, major milicyi Aleh Vosipaŭ) padpoŭz da ich, praciahnuŭ halinu dreva i dastaŭ čaćviarych čałaviek», — raspavioŭ dziažurny MNS Biełarusi.
Paciarpiełych z dyjahnazam pieraachaładžeńnie dastavili ŭ balnicu. Zaraz jany znachodziacca pad nahladam daktaroŭ.
Usiaho za minułyja sutki ŭ Biełarusi na vadajomach udałosia vyratavać 9 čałaviek. U MNS padkreślili, što lod jašče nie tryvały, a značyć, vychodzić na jaho niebiaśpiečna.